Leiarkonferansen er ein årleg konferanse i Ulsteinvik med fagleg og sosialt påfyll for alle typar leiarar: om du er ansatt i privat- eller offentleg sektor, om du leiar ei stor bedrift eller eit enkelmannsføretak, om du leiar kompliserte og innovative prosessar, organisasjonar eller dei som er framtida vår.

På Leiarkonferansen tar vi tak i dei store spørsmåla og diskuterar dei i ein global, nasjonal og lokal kontekst.

Vi diskutere leiarskap og korleis styre verksemder og organisasjonar gjennom eit stadig skiftande terreng, vi ser på leiing og leiarskap frå ulike vinklar og løftar fram eit bredt og nyansert lag med føredragshaldarar som med sin kunnskap og historie kan inspirere og motivere til nye diskusjonar, modige val og korleis stå trygt i leiarrolla.

Leiarkonferansen i Ulsteinvik osar av kvalitet, og har som mål om å vere i øvste sjiktet med tilrettelagt innhald for leiarar på ulike nivå. Vi skal gi det «lisje» ekstra til deltakarane. Ikkje berre underhaldning, men eit innhald med meining og korleis du best kan oversette teori til praksis. Vårt mål er å lage ei konferanse med ein gjennomgåande raud tråd, som gir ein liten vekkar i oss alle, uansett kva type leiar du er og kva bransje.
Tilbakemeldingar viser at vi har lykkast med dette, og at vi har klart å skape ein av dei viktigaste møteplassane for næringslivet på Sunnmøre.  

Vi ser fram til å møte deg på årets konferanse: Verdibasert Leiarskap - frå sandkassa til stjernene!