Vi er godt i gong med planlegginga av årets Leiarkonferanse. Aldri før har vi hatt ein betre line-up.

Vi er stolte av å kunne presentere sjølvaste Eva Joly som ein av våre hovudforedragshaldarar – ei røyst med internasjonal tyngde, skarpe perspektiv og eit engasjement som rører.

Petter Schjerven tek òg turen til Ulsteinvik og blir vår konferansier for dagen. Med si smittande nysgjerrigheit, språklege leikenheit og evne til å formidle komplekse tema på ein folkeleg og underhaldande måte, vil han gi energi, retning og gode overgongar gjennom heile programmet. Petter er kjend for å kombinere kunnskap og humor på ein måte som både skjerpar sansane og får oss til å senke skuldrane – perfekt for årets Leiarkonferanse.

I tillegg har vi med oss Pål Haugen frå ÅKP og Jan Olav Baarøy frå Høgskulen i Volda, som begge vil bidra med verdifull innsikt om leiarskap, kommunikasjon og utvikling. Vi har fleire spanande innleiiarar på blokka, så følg med.

Temaet for årets konferanse er “Attende til framtida”.
I ei verd som stadig går raskare, er det på tide å ta eit steg tilbake, og planlegge klokt for det som kjem. Korleis ser framtidas leiarskap ut?

Dette, og mykje meir får du med deg under Leiarkonferansen 2026.
Vi lovar tidenes møteplass for inspirasjon, innsikt og påfyll.
Vi håpar å sjå deg der!

Bestill din billett i dag!